HOME MINISTER PU LALCHAMLIANA’N A DEPARTMENT CHAN HRANG HRANG TEN COVID-19 HRIPUI LENG TUR DO NANA AN HMALAKNA A TARLANG

Thlirtute, Chibai vek ule, tun tumah hian tunlaia kan buaipui em em COVID-19 dona kawnga Mizoram sawrkar-in hma a laknaah Department of Disaster Management & Rehabilitation in tha a lo thawh te sawi ka duh a, chubakah chuan COVID-19 kaihhnawih bawka Supreme Court thu tlukna anga chhuahtur chungchang hi han sawifiah ka duh bawk a ni.

Mizoram sawrkar in COVID-19 hripui hlauhawm tak kan hmachhawn mekna atan hian ka department chan, Disaster Management & Rehabilitation atangin tun thleng hian Rs. 4,28,03,200/- lai kan lo seng leh ta reng mai a, hemi avang hian Medical leh frontline lam mite pawhin Protective Gear tha tak kan neih theih phah a ni, tih hi sawi kan sawi ve a, kan mamawh ang zawng zawng chu lei thei lo mah ila, Disaster Management & Rehabilitation lam atanga sum kan theh chhuah dan chu hetiang hi a ni a, hetiang sum kan thehchhuah dan hi keimahni thu mai a ti kan ni lo a, Central a Ministry of Home Affairs thupek anga kan ni tih pawh ka sawi duh bawk a ni.

Pakhatna-ah chuan Quarantine Sample lakkhawm, Screening atana thil tul atan Rs 1,48,70000/- (Crore 1 leh nuai 48 leh singsarih) Health Department-ah pek a ni a.

Pahnihna-ah chuan COVID-19 kai rinhlelh, Airport/ramri a lo check leh screening lo neihna atan leh lo chhuizui nan Rs 54,40000/- hman a ni a.

Pathumna-ah chuan COVID-19 beihletna tur thuam leina, Surgical gloves, fumigator leh disinfectant leh PPE Kits lei nan Rs 99,95,200/- hman a ni bawk a.

District Disaster Management Authority District tinah quarantine facilities/Task Force puihna/Contact tracing atan avaiin Rs 1,24,98,000/- pek an ni a, district tina quarantine facilities/task force puih nan hetiang hian pek an ni:-

Aizawl District-ah Rs. 27,10,000/- ; Lunglei District-ah Rs 12,10,000/-; Siaha District Rs. 10,00,000/-, Champhai District-ah Rs. 12,00,000/-; Kolasib District-ah Rs. 12,10,000/-, Serchhip District-ah Rs. 7,30,000/-; Lawngtlai District-ah Rs. 14,55,000/-; Mamit District-ah Rs.12,90,000/- ; Khawzawl District-ah Rs 5,56,000/-; Saitual District-ah Rs 5,86,000/-; Hnahthial District-ah Rs. 5,51,000/-

Heng te hi a hmangtuten dik tak leh fel taka an hman ngei ka beisei a ni.

Ka sawi duh leh chu Jail tang chhuah chungchang a ni a, heihi Supreme Court in COVID-19 hripui hi a lo darhpalh hlauh ang e tiin, jail hi tih thawl tur a ti a, state tinah High Power Committee a rawn din a. Mizoram-ah pawh hian High Power Committee chu High Court Judge ho-in siam a ni a, chumi recommend na ang chuan lungin tang mek mi 337 chhuah an ni. Keini chang kan ni lo a, India ram puipuiah jail tih thawl nan lungin tangte hi a theih chinchin chhuah mek an ni. Heng mite hi vawikhat thil tihsual bail a chhuah mi 289 an ni dawn a, remission hmu mi 48 an ni dawn bawk a ni. An zavai hian mi 337 an ni dawn a, thenkhatin an chhuah huk chuan a hlauhawm ang a tih ngaihdan te kan nei a ni tih ka hria a. Amaherawhchu, heng ho hi chu ti mai a tihdan phung pangngai awmlo a chhuah mai tur an ni lo tih ka sawi duh a. Mizoramah khawi jail-ah mah hian COVID-19 positive hmuh a la ni lo tih bawk a, chuvangchuan chu ti taka hlauhthawn tur an awm a maw ni chu aw, ka ti deuh a ni. Hengte hi District Magistrate in jail atangin an in thlengin an hruaichhuak ang a, chutah chuan engemaw chen ni sawm pali chhung home quarantine tih vek tur an ni, tih ka sawi duh bawk a ni. Jail hrang hrang a kan michhuah tur neih te chu hetiang hi an ni- convict tawh, an convict chhung hun enge maw zat hmang tawh mi 48 chhuahtur an awm a, Central Jail, Aizawl atangin mi 20, District Jail, Aizawl atangin mi 4, District Jail, Lunglei atangin mi 5, District Jail, Siaha atangin mi 7, District Jail, Kolasib atangin mi 4, District Jail, Champhai atangin mi 2, District Jail, Lawngtlai atangin mi 1 leh District Jail, Mamit atangin mi 5 an ni.

Vawikhat thil tihsual avanga man, la tang mek te chu bail a chhuah phal an ni a, heng mi te hi an vaiin mi 289 an ni, chungte chu Aizawl District Court, Aizawl-ah 150, Champhai District Court, Champhai-ah 25, Kolasib District Court, Kolasib-ah 46, Serchhip District Court, Serchhip-ah 26, Mamit District Court, Mamit-ah 21, Lunglei District Court, Lunglei-ah 15, Siaha District Court, Siaha-ah 1, Lawngtlai District Court, Lawngtlai-ah 5 te an ni a.

Upa leh damlo engemaw zat bail a chhuah tur an ni bawk a, Central Jail, Aizawl atangin 6, District Jail, Aizawl atangin 6, District Jail, Lunglei atangin 3, District Jail, Kolasib atangin 4, District Jail, Champhai atangin 6 an ni. Heti chung hian Lunglei jail chu la ala tawt deuh hlek ni a hriat avangin, lung in tang pali te chu Lawngtlai jail a sawn tur a tih a ni a. A sawnnaah hian district magistrate leh police ten ruahmanna an siam tlang tur a ni a, an lo chhuah dawnah district magistrate leh jail authority te remruatna angin hmalak tur a ni bawk a ni.

A tawp berah chuan, lockdown kan tih, mahni in chhungkhura tawp kan tih hi mizo te chuan kan zawm tha khat hle in alang a, i zawm tha zel ang u, hei lo hi invenna tur kawng dang kan neilo a, mahni in a tawp, social distancing, midangte nen a inhnaih lutuk a awmloh te, sawrkar leh local task force te thu awih hram hram turin mipui te ka chah leh a ni e.
Ka lawm e.


Written by: Dr. Saithantluangi Zote, MIS, IPRO